‘Noh jĭ oh Siu Sam Ban, hŏk tro lăm 6A2, Hnam trưng jăl 1 păng jăl 2 Nguyễn Du, xăh Dun, apŭng Chư Sê. Hơdrol ‘noh, ƀơ̆t tŏk bŏk ‘năr dơ̆ng ‘năr 20/5, ƀôh oh Siu Si Ôn (rơneh sơnăm 2017) păng oh Kpuih Nhăn (rơneh sơnăm 2014) pơ vơi lơ̆m đak glung Ia Pết, jăl đak ro klĕch xăh Dun, oh Siu Sam Ban hlôi kơ tăh jur dŏng iŏk đei  bre oh âu.

Lăp đơ̆ng rŏng kơ tơ̆ng tơroi tơdrong, Hnam trưng hŏk jăl 1 păng jăl 2 Nguyễn Du hlôi pôk pơ ư tơdrong nuih mơng đơ̆ng oh Siu Sam Ban tơ̆ hơnăp hŏk tro lơ̆m trưng păng tơ tă kơ hŏk tro ‘nĕ kơ năm hum tơ̆ dơnâu đak, hơnih đak jrŭ krê hơmơt, veh ver kơ đei glơ̆k. Anih vei lăng găh pơtho pơhrăm apŭng Chư Sê kŭm tŏk bŏk jang hơdai hăm Anih jang đoan apŭng vă pơgơ̆r năm ngôi, pơlung păng pôk hơpăh tơmam ăn oh Siu Sam Ban yua kơ hlôi đei bơ̆jang nuih mơng dŏng 2 ‘nu oh ‘lơ̆p hoei glơ̆k kơ đak.