Kiơ̆ tơroi tơbăt, mŭk drăm đei sơđơ̆ng; hơtŏk kơjă đei vei lăng; dôm tơdrong hơtŏ tih đơ̆ng mŭk drăm đei vei sơđơ̆ng. Dôm tơdrong jang joh ayŏ, tơpôl, cham char, khŭl linh, sơđơ̆ng, jang tơbôl đei lăng kăl, hơtŏk loi dơ̆ng. Tơdrong găh vei sơđơ̆ng tơdrong arih sa tơpôl, bơngai jang, bơ̆jang đei vei sơđơ̆ng.

Mă loi ‘noh jĭ, hăm tơdrong hơmet ming hla ar bơ̆jang, ‘nâu jĭ hơnăp jang tơm, đei Khŭl kơdră teh đak, Thủ tướng Teh đak akŏm pơgơ̆r păng dôm anih tơm, anih jang, tơring bơ̆jang kiơ̆ hlôi iŏk đei jơnei ‘lơ̆ng. Tơ̆ hơnăp kơnh, Khŭl kơdră teh đak hơnơ̆ng pơgơ̆r akŏm dăr hơlen, kăt tơ jur, pơm hla ar bơ̆jang ƀônh, mă loi ‘noh jĭ dôm tơdrong hơgăt tŏk bŏk pơgăn hăm pơm tơlĕch tĕch mơdro; athei bơ̆jang kiơ̆ tơpăt tơdrong hơlen lăng đei ƀơm ưh kơ ‘lơ̆ng, dăr hơlen lăng tơdrong hơgăt găh hla ar bơ̆jang.