Jăl khei mă I sơnăm 2024 thu mong jên jang teh đak kơ dêh char Kon Tum dang 830 ti hlak jên, lăp iŏk đei 18% tơchĕng jô̆ hơdrol tơring pơjao, tam mă vei sơđơ̆ng trong jang. Lơ̆m 3 khei blŭng sơnăm Kon Tum lăp sơng iŏk đei 2 tơdrong jang tơmơ̆t jên jang hăm akŏp jên pơm hla ar 56 ti hlak jên.

Hop akŏm Khŭl chĕp kơ̆l pơgơ̆r Đảng bộ dêh char Kon Tum akŏm pơma dơnuh, hơlen lăng jơnei iŏk đei, tam mă ‘lơ̆ng lơ̆m bơ̆jang kiơ̆ hơnăp jang mŭk drăm - tơpôl, khŭl lĭnh, sơđơ̆ng, pơjing Đảng, tơdrong jang chĭnh trĭ Jăl khei mă I. Tơblang hơdăh, pơm rơđăh tơdrong tơm pơm ăn, mă loi ‘noh jĭ tơdrong tơm pơm pơ hơi, băt hơdăh hơnăp jang đơ̆ng rim bơngai jang lơ̆m Anih jang Đảng dêh char, bơngai chĕp kơ̆l păng khŭl tơpôl anih jang, tơring hăm dôm tơdrong tam mă ‘lơ̆ng, hơdai hăm tơlĕch hơnăp jang tơm, trong jang tơm vă hơmet pơ ‘lơ̆ng.