'Nâu jing kơtơ̆ng ang ăh Hop akŏm tơroi tơbăt ah khei 7/2023, kơyuơ Anih jang Tuyên yăo Trung ương pơgơ̆r ăh pơgê năr 12/7 tơ̆ Hà Nội. Thư̆ trưng Anih tơm Pơkăp păng Asong jang Đỗ Thành Trung ăn tơbăt, GDP 6 khei blŭng sơnăm tŏk 3,72%, kơđeh dơ̆ng mă 2 lơ̆m dôm jăl sơnăm 2011-2023. Mă lei, hăm tơpôl apŭng plenh teh oei ƀơm lơ tơnap tap, mŭk drăm tơ̆ teh đak bơ̆n ăn ƀôh đei yua lơ, huach kư̆ kă đei tang găn.

Jên mong teh đak akŏm hơtŏk pran gah jang mŭk drăm... Mă lei, tơdrong jang tĕch răt tơmam drăm hăm teh đak đe adoi oei ƀơm lơ tơnap tap kơlih lơ teh đak kơhret gah jên hu pơm tơjur tơdrong kăl yua... Gah tơlĕch jang ăn 6 khei hơtuch sơnăm, 'noh pơm jang tenh đei jơnei dôm tơdrong jang hơmet hơtŏk mŭk drăm.  Adoi lơ̆m hop akŏm, rim bơngai tang măt tơmơ̆ng Anih jang tơbôl Trung ương tơroi tơbăt gah “Tơdrong đei ƀôh lơ̆m kơpal teh, lơ̆m tơring, tơdrong jang tơbôl kơ Việt Nam lơ̆m 6 khei kơ âu păng tơroi gah tơdrong đei lơ̆m 6 khei hơtuch sơnăm”.