Hop akŏm đei vang năm đơ̆ng vă jê̆ 1.400 ‘nu kơdră, bơngai tang măt ăn rim răih kon pơlei rim hơdrung, khul lui khop, khul ƀô̆ đô̆i kŏng ang, kon pơlei Việt Nam hơrih sa tơ̆ teh đak đe. Hop akom gô pơdrơ̆ng kiơ̆ rim hla bơar chih tơbăt pơtôch tơdrong jang kơ Hơnih bơ̆ jang Trung ương MTTQ Việt Nam jăl 9, jăl jang 2019 - 2024 păng Tơdrong jang kơ MTTQ Việt Nam jăl 10, jăl jang 2024 - 2029; Hơlen dơ̆ng tơdrong jang kơ Hơnih chĕp pơgơ̆r, Khul kơdră chĕp pơgơ̆r păng Hơnih chĕp pơgơ̆r Trung ương MTTQ Việt Nam jăl 9, jăl jang 2019 - 2024; Hơmet ming, tơmơ̆t dơ̆ng Tơdrong tơchơ̆t MTTQ Việt Nam; Pơma dơnuh pơdrơ̆ng ăn Khul kơdră chĕp pơgơ̆r Hơnih bơ̆ jang Trung ương MTTQ Việt Nam jăl 10, jăl jang 2024 - 2029; păng Pơdrơ̆ng kiơ̆ Tơdrong tơchơ̆t Hop akŏm tih. Tơchĕng hơlou, măt bơngai kơdră jang lơ̆m Hơnih chĕp pơgơ̆r Trung ương MTTQ Việt Nam jăl 10 ‘noh 405 ‘nu (tŏk 20 ‘nu pơtêng hăm jăl 9). Măt bơngai lơ̆m Khul Kơdră dơnơm Hơnih jang Trung ương MTTQ Việt Nam jăl 10 ‘noh 72 ‘nu (tŏk 10 ‘nu pơtêng hăm jăl 9).