Tơdrong jang kăl âu yua đơ̆ng Anih tơm vei lăng joh ayŏ, tơplŏng kơdâu păng tơmang lăng jang hơdai hăm 1,2 anih tơm, anih jang Trung ương păng 5 dêh char tơring Tây Nguyên, ‘noh: Kon Tum, Gia Lai, Đăk Lăk, Đăk Nông, Lâm Đồng pơgơ̆r. Hăm hơnăn “Groi kông Tây Nguyên- akŏm tơdrong hơiă”, lơ̆m 3 năr lêh, pơgơ̆r đơ̆ng 29/11 truh ‘năr 1/12 tơ̆ pơlei tơm Kon Tum păng dôm apŭng kơ dêh char Kon Tum.

Tơchĕng hơdrol vang akŏm năr lêh đei dang 1.000 nghệ nhân, bơngai hơri hơsoang, tôn reh, bơngai pơlong... Vang truh năr lêh kon pơlei păng tơmoi gô đei  akŏm lăng  đe tôn chĭng chêng Tây Nguyên; lăng dôm ‘măng pơjei băl tơdrong hơgei đơ̆ng đe tơdăm, đe hơdruh kiơ̆ dôm tơdrong jang tơplŏng kơdâu; lăng tơdrong ‘lơ̆ng hơiă cham char bri brăh, kon bơngai tơring teh păih Tu Tây Nguyên Kon Tum kiơ̆ tơdrong jang vang akŏm dôm tour, trong tơmang lăng.