Năr lêh đei pơgơ̆r lơ tơdrong ‘lơ̆ng hơ iă nhen: Pơdă, tơƀôh tơbăt tơmam drăm drŏ kăn pơjing; rapor kơtă vă tơƀôh tơbăt tơmam drăm lơ̆m rim hơnih tĕch mơdro tơmam drăm trư̆k tuyên; hop akŏm lăng hơlen, pơih să rim trong jang kơ khul lơ̆m vang iung jang tơ iung pơjing tơring tơrang ‘nao păng pơtôch ‘măng chă hơvơn “tơ iung pơjing ŭnh hnam 5 ưh, 3 rơgoh” jăl sơnăm 2021 – 2024; hop akŏm jang kiơ̆ kmăi kmŏk kơtơ̆ng ang lơm bơ̆ jang kơ khul; pơlong pơtôch ‘măng pơlong drŏ kăn tơchăr pơjing tơdrong jang păng tơplih rơgoh ‘lơ̆ng …Tơ̆ pơm lêh pơgơ̆r blŭng a, khul chĕp pơgơ̆r hlôi sơng iŏk đei 3 ti 300 triu hlak jên tơgŭm djru ăn 36 tơdrong vă jang pơjing tơdrong jang, pơjing mơdro sa kơ khul drŏ kăn lơ̆m dêh char păng pơgơ̆r kơtĭt kơnut tơlĕch jang rim tơdrong jang kơ năr lêh.