Vang truh akŏm, dôm khul pơjei băl găh: Đon hlôh vao păng tơdrong pai tơmam xa. Lơ̆m tơdrong thi găh đon hlôh vao, dôm khul chih tơlĕch hơnăn tmam xa ăn hơiŏh kiơ̆ dôm tơmam vă pai păng trong pai dôm tơmam âu. Găh tơdrong thi pai, thây kô păng bơngai jang đơ̆ng dôm khul pai pơdă 10 tơmam xa ‘năr dơ̆ng păng kơsơ̆ ăn hơ iŏh, kiơ̆ kơjă pai ăn 1 ‘nu xa ‘nŏh 20.000 hlak.

Nơ̆r athei hăm dôm tơmam xa âu ‘nŏh jĭ, đei tôm 4 kơchơ̆t: ‘nhĕm, rơmă, ƀôt păng vitamin. Năr pai tơmam xa ‘lơ̆ng ăn hơiŏh mâm non sơnăm 2024 yoa Anih pơtho pơhrăm dêh char Kon Tum pơgơ̆r lơ̆m 2 năr, đơ̆ng ‘năr 6 - 7/4. ‘Nâu jĭ jơnăr vă kăn ƀô̆ vei lăng, thây kô, bơngai jang tơ̆ dôm anih pơtho mâm non kơ dêh char pơma nuh, hŏk iŏk đơ̆ng băl tơdrong pai tơmam xa vă tơgŭm ăn đe hơiŏh đei dơ̆ng tơmam xa ‘lơ̆ng.