Hmach chơt hơ iă iŏk đei jơnei kơ Pơma dơnuh trong jang kăl tơbôl-vei lăng sơđơ̆ng teh đak-sơđơ̆ng dơ̆ng kơjăp Việt Nam - Nga, ƀok Lê Hoài Trung sơkơ̆t hơdăh, Đảng, Teh đak păng kon pơlei Việt Nam lăng kơjăp tơdrong tơgoăt tơgoăl joăt joe đơ̆ng sơ̆, Jang hơdoi gĭt kăl tôm tong hăm Nga; pơma dơnuh mĭnh ƀar trong jang tih vă atŏk tơ iung tơgoăt tơgoăl ƀar teh đak lơ̆m rim tơdrong.

Hôn bơnê kơtang dôm tơdrong atŏk tơ iung tơgoăt tơgoăl Việt - Nga, Kơ iĕng Kơdră jang Tơbôl Titov sơkơ̆t hơdăh, Nga ling lang lăng kơjăp hơmet pơ ‘lơ̆ng, atŏk tơ iung tơgoăt tơgoăl hăm Việt Nam. Kơ iĕng kơdră jang tơbôl Nga Titov lăp đon dôm nơ̆r pơma đơ̆ng ƀok Lê Hoài Trung găh dôm trong jang tih tên vă pơtrŭt kơtang tơgoăt tơgoăl ƀar teh đak lơ̆m khei năr kơnh, mă kăl pơtrŭt kơtang rim ‘măng năm ngôi dih băl khul kơdră kơpal lơ̆m sơnăm 2024.