'Nhăk brŏk 96 kơting linh lôch dŏng teh đak tơ̆ Lào chôt vih pơlei pơla
Thứ năm, 14:39, 18/05/2023
VOV/Lan tơblơ̆
VOV/Lan tơblơ̆
VOV4.Bahnar – Lơ̆m 2 năr 16-17/5, tơ̆ dêh char Xiengkhuang, tơring Tu teh đak Lào pơm lêh pơjao, xoi tang kơ 96 kơting linh lôch dŏng teh đak păng bơngai juăt jang rơgei kơ Việt Nam lôch plang tơ̆ 3 dêh char Vientiane, Xaysomboum păng Xiengkhuang chôt vih hăm pơlei pơla Việt Nam.
Pơyan phang xơnăm 2022 – 2023, Khul jang akŏm kơting linh kơ Anih tơm pơgơ̆r linh dêh char Nghệ An hlôi pơgơ̆r chă akŏm, kôch đei 96 kơting linh lôch dŏng teh đak tơ̆ 3 dêh char, đei 120% tơchơ̆t tơlĕch.
Lêh xoi tang đei pơgơ̆r vă xoi kơ pơhngol đe linh lôch dŏng teh đak păng bơngai jang rơgei kơ Việt Nam gơh đei pơgơ̆r kăp gĭt kiơ̆ khôi kơ teh đak Lào 'nhŏng oh. Kiơ̆ tơlĕch jang, lêh pơdong groong ƀŭ 96 kơting linh lôch dŏng teh đak đei kôch akŏm păng 'nhăk brŏk pơlei pơla 'măng mă âu đei pơgơ̆r ăh năr 19/5 tơ̆ Pơxat ƀlŏk tơbăt kơ apŭng Nghi Lộc, dêh char Nghệ An.
Viết bình luận