Tơ̆ jơ tơƀâp, 2 păh tơchĕng ‘lơ̆ng tơdrong jang tŏk ‘lơ̆ng hơiă lơ̆m tơdrong pơvei Việt – Nhật, lơ̆m nŏh đei tơdrong pơvei đơ̆ng Đảng Cộng sản Việt Nam păng Đảng LDP, pơma nuh găh tơdrong pơm hơtŏk tơdrong pơvei ăn 2 tĕh đak tơ̆ hơnăp kơnh. 

Yă Trương Thị Mai athei Nhật Bản vang hơmet kơjăp tơdrong pơvei kơ 2 Đảng lơ̆m tơdrong pơvei kơ 2 tĕh đak, hơtŏk tơdrong pơma nuh, tưk tơiung tơdrong jang hơdoi găh rim tơdrong, hơnơ̆ng pơtruh jên ODA chăl ‘nao mă lăp hăm tơdrong ‘mĕh vă jang tŏk đơ̆ng Việt Nam; jang hơdoi lơ̆m rim khul grŭp lơ pang păng Nhật Bản tơgŭm ăn Việt Nam vei kơjăp tơdrong rơngei, sơđơ̆ng, jang hơdoi ‘lơ̆ng tơ̆ đak dơsĭ Biển Đông kiơ̆ Tơdrong hơgăt đơ̆ng Liên hợp quốc găh Luơ̆t đak dơsĭ sơnăm 1982. Găh Nhật bản pơma hơdăh Nhật Bản ling lang năng kăl tĕh đak Việt Nam lơ̆m trong jang tơbôl hăm tơring.