Kiơ̆ tơdrong kĭ pơkăp đơ̆ng 2 păh, khei ‘năr bơ̆ jang tơdrong jang đơ̆ng 2024 - 2026 hăm kơsô̆ jên tơgŭm đĕch đơ̆ng Khul kơdră teh đak Nhật Bản ‘nŏh 1,83 ti yên, hơtŏ hăm dang 300 ti, đei hloi đĭ đăng jên đei ƀơm truh. Tơchĕng adrol kơmăy kơmŏk gô đei pơjao ăn Hnam pơgang K iŏk yoa lơ̆m jăl khei mă 4 sơnăm 2025.

Bơngai tang măt ăn Khul kơdră teh đak Nhật Bản pơma hơdăh: Tơdrong jang iŏk đei tơdrong tơgŭm đơ̆ng Khul kơdră 2 teh đak, tơƀôh hơdăh tơdrong pơvei Việt Nam- Nhật Bản, jang hơdoi gĭt kăl tôm tơdrong yoa tơdrong rơngei păng hơnŭk hơnoa tơ̆ Châu Á păng lơ̆m apŭng plenh teh ƀlep ƀât tơbăt 50 sơnăm pơjing tơdrong pơvei jang tơbôl đơ̆ng 2 teh đak. Pơma tơ̆ jơ pơm lêh, Kơdră tơm vei lăng jang pơgang Đào Hồng Lan pơma hơdăh, ‘nâu jĭ tơdrong jang tôch gĭt kăl vă hơtŏk tơdrong khăm, hơmet jĭ ung thư đơ̆ng anih jang pơgang Việt Nam.