Vă pơgơ̆r ‘lơ̆ng ‘măng pơlong păng krao tơmơ̆t hŏk đăi hŏk, hŏk tơdrong jang sơnăm 2023, Thủ tướng Teh đak athei Hơnih tơm vei lăng Hnam trương pơtho pơhrăm, rim hơnih tơm, hơnih bơ̆ jang găh Khŭl kơdră Teh đak, Hơnih vei lăng kon pơlei rim dêh char, pơlei tơm găh Trung ương jang kiơ̆ tôm tong hơnăp jang, tơdrong jang đei pơjao, lơ̆m au hăm Hơnih tơm vei lăng Hnam trương pơtho pơhrăm: Pơjing tôm, tơtom rim hla bơar pơrô̆ jang, pơtho tơbăt, trong vă jang pơgơ̆r ‘Măng pơlong păng krao mơ̆t hŏk đăi hŏk, kao đăng găh Pơtho pơhrăm Mâm non; sơđơ̆ng ƀai pơlong, trŏ ƀlep, trŏ lăp hăm ‘Măng pơlong păng tơmơ̆t hŏk. Hăm Hơnih vei lăng kon pơlei rim dêh char, pơlei tơm găh Trung ương: Pơrô̆ pơgơ̆r jang kiơ̆ păng chiu pŭ tôm tong găh ‘Măng pơlong tơ̆ tơring. Pơjing rơvơn găh chă yơyak, oei sa pơdơ̆h pơdei ăn hŏk tro păng ŭnh hnam kơ hŏk tro oei sa tơ̆ Hơnih pơlong, mă kăl hŏk tro ŭnh hnam tơnap tap, tơring atăih yăih, tơring kon kông, groi kông, sơlam teh đak păng achon dơsĭ.