Ƀan châ̆p hanh Trung ương Đảng Cộng sản Việt Nam, Kuôk hô̆i teh đak Cộng hoà xã hội chủ nghĩa Việt Nam, Kơdră teh đak Cộng hoà xã hội chủ nghĩa Việt Nam, Jơnŭm pơgơ̆r teh đak Cộng hoà xã hội chủ nghĩa Việt Nam, Anih jang Trung ương Mâ̆t trâ̆n Tôh kuôk Việt Nam, Jơnŭm pơm Lêh Pơdong Groong ƀŭ kơ Teh đak păng unh hnam Ƀok Nguyễn Phú Trọng, Tổng Bí thư Ƀan Châ̆p hanh Trung ương Đảng Cộng sản Việt Nam kăp gĭt pơtruh nơ̆r hmach bơnê hăm tôm kon pơlei, bôl boăl, khul linh jơ̆p teh đak, kon pơlei bơ̆n tơ̆ teh đak đe păng bôl boăl apŭng plenh teh, hlôi akŏm đon bơnôh ‘mêm băt, ơh sơ-‘ngon păng kŭp yom kăp gĭt hăm Ƀok Tổng Bí thư Nguyễn Phú Trọng; hlôi truh pơjôk, pơtruh nơ̆r vang ơh sơ-‘ngon, truh Pơvih, pơdong ƀŭ Ƀok Nguyễn Phú Trọng, Tổng Bí thư Ƀan Châ̆p hanh Trung ương Đảng Cộng sản Việt Nam chôt vih hăm jơhnơr hơrih nuih kơtang kơ hơdrung hơdrĕch Việt Nam gơh hơgei păng nuih mơng.

Lơ̆m dôm năr âu ki, kơ trĭu plei nuih Việt Nam păng bôl boăl lơ̆m kơpal teh tơrĕk gah Hà Nội, pơlei tơm Hồ Chí Minh păng pơlei pơla Đông Hội, anih Pơm Lêh pơdong groong ƀŭ Nhap Ƀok Tổng Bí thư Nguyễn Phú Trọng; kơ hrĕng rơbâu kon pơlei tơ̆ rim tơring kơ teh đak, ưh kơ mơ̆ng bri trong hơtaih, ưh kơ hli tŏ ‘mi kial kŭp yom lơ̆m đĭ jăl trong truh pơdong groong ƀŭ Ƀok Tổng Bí thư vih truh anih pơdơh pơdei mă hơtuch luch. Đei kơ hrĕng đe kơdră kơpal kơ dôm teh đak/tơring pơtrruh kơthơ ơh sơ-‘ngon; kơ hrĕng khul kơpal lơ̆ma pŭng plenh teh truh Pơjôk, Lêh pơdong groong ƀŭ; kơ rơbâu khul hăm kơ hrĕng rơbâu kon pơlei truh pơdong groong ƀŭ Nhap Ƀok Tổng Bí thư; kơ rơbâu khul truh pơjôk tơ̆ dôm anih jang tang măt ăn teh đak bơ̆n tơ̆ teh đak đe.

Minh ‘măng dơ̆ng, Jơnŭm pơm Lêh Pơdong Groong ƀŭ kơ Teh đak păng unh hnam ‘mêm bơnê hăm đon bơnôh kăp gĭt đơ̆ng kon pơlei, bôl boăl, khul linh jơ̆p teh đak, kon pơlei bơ̆n tơ̆ teh đak đe păng bôl boăl đơ̆ng teh đak đe ‘mêm kơ-eng kơ Ƀok Nguyễn Phú Trọng, Tổng Bí thư Ƀan Châ̆p hanh Trung ương Đảng Cộng sản Việt Nam păng teh đak, kon bơngai Việt Nam gơh hơgei păng nuih kơtang.

ɃAN CHÂP HANH TRUNG ƯƠNG ĐẢNG CỘNG SẢN VIỆT NAM

KUÔK HÔ̆I TEH ĐAK CỘNG HOÀ XÃ HỘI CHỦ NGHĨA VIỆT NAM

KƠDRĂ TEH ĐAK CỘNG HOÀ XÃ HỘI CHỦ NGHĨA VIỆT NAM

JƠNŬM PƠGƠ̆R TEH ĐAK CỘNG HOÀ XÃ HỘI CHỦ NGHĨA VIỆT NAM

ANIH JANG TRUNG ƯƠNG MĂT TRÂN TÔH KUÔK VIỆT NAM