Ơ mih ma duch nă kon pơlei pơla, kang ƀô̆ păng ƀô̆ đô̆i kŏng ang lơ̆m teh đak!

          Puih mak hlôi yak truh hăm rim răih bơngai, rim ŭnh hnam! Lơ̆m jơ ‘năr tơƀưh ‘lơ̆ng liĕm păng gĭt kăl kơ plei teh, bơ̆n kŭp yom hôn bơnê tơdrong tơgop tih tên đơ̆ng mĕ ƀă yă ƀok, rim jơhnơr hơdrol hlôi tơ iung pơjing đei teh đak, pơjing đei Puih mak pơm tơm kơdih, pơjing ăn Kon pơlei đei hơrih sa hiôk hian, phĭ tơtŏ dơnŏ ‘lơ̆ng, hơnŭk hơnoa,pơjing ăn hơnih dơ̆ng, tơdrong yom kiơ̆ jơnei kơ tang teh đak hrei au.

          Lơ̆m jơ ‘năr chơt hơ iă ‘nă hal sơng têt joăt joe hơdrĕch hơdrung, ĭnh pơtruh nơ̆r ƀơ̆r pơma truh hăm kon pơlei pơla, kang ƀô̆, ƀô̆ đô̆i kŏng ang, kon pơlei bơ̆n oei tơ̆ teh đak đe hăm jơhngơ̆m đon phăl hơlăng, hơvơ̆h hơvơi hơpơi ‘meh vă sơnăm ‘nao ‘lơ̆ng rŏ hơbŏ nhen hloh. Apĭnh pơtruh ăn bôl boăl lơ̆m plei teh, kon pơlei rim teh đak lơ̆m apŭng plĕnh teh ling lang rơngei hiôk hian, jang hơdoi, tơgoăt tơgoăl păng atŏk tơ iung kơjăp iăp kơtang!

          Sơnăm au ki, hăm tơdrong tơgoăt tơgoăl, kơrŭn đĭ ai đơ̆ng pơđĭ khul Đảng, pơđĭ kon pơlei, ƀô̆ đô̆i kŏng ang, teh đak bơ̆n hlôi sơkơ̆t hơdăh hơnih dơ̆ng ‘nao, hơyak pran ‘nao kơ mĭnh Việt Nam pran kơtang lơ̆m tơnap tap, ling lang hơdrin druh kiơ̆ dôm tơdrong ‘lơ̆ng rŏ hloh, kơ yuơ đei iŏk yua ăn kon pơlei, iŏk đei jơnei dôm tơdrong kăl hloh, tôm tong lơ̆m rim tơdrong jang; ling lang jĭ boăl joăt phăl hơlăng, jang hơdoi kơjăp kơ rim teh đak, đei tơpôl apŭng plĕnh teh lui yom, hôn bơnê kơtang.

Jơ ‘năr tơƀưh ‘noh jĭ jơ ‘năr gĭt kăl hloh vă kơ bơ̆n ƀlŏk hơdơ̆r dơ̆ng găh dôm tơdrong đĭ hloh, tơchĕng truh tơdrong tơ̆ hơnăp ‘lơ̆ng rŏ kơ rim bơngai, rim ŭnh hnam kơ hơdrĕch hơdrung. Ĭnh lui tơpă, kiơ̆ yok rok jơ̆ng jơhngơ̆m pran tơgoăt tơgoăl pôm nơ̆r ƀơ̆r đon hơdrĕch hơdrung păng dôm tơdrong oei sa ‘lơ̆ng rŏ lơ̆m hơrih sa, kon bơngai Việt Nam, lăng pơgĭt hơrih sa ‘lơ̆ng, jơhngơ̆m đon hơgei păng tơlĕch pơjing jơhnơ̆m đon tơchăr hơ iă lơ̆m rim bơngai, tơlĕch jang rim tơdrong đei, akŏm đei dôm khul jang, gô pơjing đei jơhngơ̆m pran kơdih tih tên hlŏh vă hơdrĕch hơdrung bơ̆n pran kơjăp iăp kơtang iung jang iŏk đei jơnei tih tên hlŏh dơ̆ng.

Puih mak pơjing ăn lơ tơdrong hơpơi, hơmŏ păng dôm hơyak blŭng ‘lơ̆ng liĕm hloh, tơnŏ hloh, pran kơtang hloh. Lơ̆m jơ ‘năr chơt hơ iă Puih mak kơ teh đak păng Puih mak kơ jơhngơ̆m đon kon bơngai akŏm, mơ̆t lĕch, bơ̆n dăh vang sơng tơmơ̆t jơhngơ̆m pran, jơhngơ̆m đon ‘lơ̆ng ‘nao, pơtruh dih băl dôm tơdrong ‘lơ̆ng rŏ phăl hơlăng, vang thơ thâu ăn hơdrĕch hơdrung gei kơ jăp iăp kơtang, pơjing ăn teh đak roi năr roi pơdrŏng, gơ̆h hơgei, pơjing đei hơrih sa ăn kon pơlei roi năr roi phĭ tơtŏ dơnŏ ‘lơ̆ng dơ̆ng kơjăp, hơnŭk hơnoa!

 Hmach thơ thâu ăn kon pơlei pơla, khul jang kang ƀô̆, rim ŭnh hnam, rim bơngai Việt Nam pran jăng grăng akau, sơđơ̆ng dơ̆ng kơjăp păng hơnŭk hơnoa!

Sơnăm ‘nao, jơhngơ̆m pran ‘nao, hơdrin ‘nao, iŏk đei jơnei ‘nao!

Bơnê lơ!