Phŏ kơdră Lê Thị Thu Hằng hmach thơ thou kơ ƀok soi tơm, bơngai tang măt Marek Zalewski sơng iŏk hơnăp jang ‘nao Việt Nam; tơƀôh đon chơt hơiă tơ̆ hơnăp dôm tơdrong hơtŏk tơiung ‘lơ̆ng đơ̆ng tơdrong pơvei Việt Nam – Hnam khop tơm Vatican lơ̆m khei ‘năr âu ki; pơma hơdăh tơdrong 2 păh pơdrơ̆ng kiơ̆ tơdrong tơchơ̆t bơ̆jang đơ̆ng Bơngai tang măt oei tơ̆ Hnam khop tơm păng Anih jang tang măt oei kơ Hnam khop tơm tơ̆ Việt Nam ƀlep ƀơ̆t ‘măng năm ngôi tơ̆ Vatican đơ̆ng Kơdră teh đak Võ Văn Thưởng lơ̆m khei 7/2023 tơƀôh hơyak hơtŏk tơiung gĭt kăl lơ̆m tơdrong pơvei đơ̆ng Việt Nam păng Hnam khop tơm Vatican.

Phŏ kơdră Lê Thị Thu Hằng pơma hơdăh dôm anih jang kơpal Việt Nam gô tơgŭm bơngai tang măt oei tơ̆ Hnam khop tơm jang đang ‘lơ̆ng hơnăp jang, tơgop pơtrŭt tơdrong pơvei đơ̆ng Việt Nam păng Hnam khop tơm, hơtŏk loi dơ̆ng tơdrong jang hơdai đơ̆ng Hnam khop tơm păng khŭl lui kŏng yăo Việt Nam.