Bơngai jang lơ̆m Anih chĕp kơ̆l pơgơ̆r Trung ương Đảng, Phŏ Kơdră Kuôk hô̆i Nguyễn Đức Hải truh akŏm păng iung pơma pơgơ̆r. Tơroi tơbăt pơtôch tơdrong jang sơnăm 2023 păng trong jang, hơnăp jang tơdrong jang sơnăm 2024 đơ̆ng Anih hơlen lăng, dăr lăng jên hu teh đak tơroi rơđăh, Anih hơlen lăng, dăr lăng jên hu teh đak hlôi jang đang tôm trong jang tơlĕch jang tơdrong jang sơnăm 2023 hăm lơ jơnei ‘lơ̆ng hơiă. Tơdrong jang hơlen lăng, dăr lăng jên hu hơnơ̆ng đei tơplih ‘nao kiơ̆ trong joăt jang vă iŏk đei tơdrong hơgăt “ ‘Lơ̆ng, ‘lơ̆ng hloh păng ‘lơ̆ng hloh dơ̆ng”.

Sơnăm 2024, vă bơ̆jang kiơ̆ ‘lơ̆ng tơdrong jang, hơnăp jang đei pơjao, Hơlen lăng, dăr lăng jên hu teh đak hơnơ̆ng bơ̆jang kiơ̆ trong kăl “ tŏ sĕt mă lei ‘lơ̆ng”, tang găn tôch ai ƀơm ưh kơ ‘lơ̆ng truh tơdrong jang đơ̆ng anih jang đei hơlen lăng, dăr lăng, jang kiơ̆ Tơdrong jang hơtŏk tơiung Hơlen lăng, dăr lăng jên hu teh đak truh sơnăm 2030 păng dôm tơdrong jang dăr hơlen đơ̆ng Kuôk hô̆i, Anih chĕp kơ̆l pơgơ̆r kuôk hô̆i, Hơlen lăng, dăr lăng jên hu teh đak akŏm hơlen lăng tơroi tơbăt akŏm đơ̆ng dôm Anih tơm, anih jang trung ương, tơring păng dôm ‘măng hơlen lăng, dăr lăng tơdrong jang lơ̆m Anih jang vei sơđơ̆ng ‘lơ̆ng.