Lữ đoàn 146- khŭl Trường Sa, jĭ anih jang găh Tơring 4 Lĭnh đak dơsĭ đei hơnăp jang vei lăng achon đak dơsĭ Trường Sa, dêh char Khánh Hòa. Khŭl Trường Sa hlôi athei dôm anih jang pơjing dôm trong jang ling lang iung tơblăh, hơnơ̆ng răp hơlen tơdrong tơ̆ rơvơ̆ng plĕnh, tơ̆ đak dơsĭ, ưh kơ lê̆ lon, mơ̆t hơnih kăl. Dôm anih jang vei sơđơ̆ng ‘lơ̆ng hloh dôm tơdrong hiôk tơmam drăm, jơhngơ̆m đon tơ̆ dôm achon, hơnih achon. Tơdrong jang hơmet ăn lĭnh, kon pơlei tơ̆ dôm achon sơng Têt Nguyên đán Giáp Thìn hlôi đei tơlĕch jang tôm kiơ̆ trong tơlĕch jang.

Iung pơma hăm kang ƀô̆, khŭl lĭnh Lữ đoàn 146, Phŏ Kơdră Kuôk hô̆i athei kơdră chĕp kơ̆l, yŏng pơgơ̆r, kang ƀô̆, khŭl lĭnh Lữ đoàn 146 kăl kơ hơdrin kơchăng lơ̆m tơdrong jang dŏng tơgŭm - dŏng sar bar, tơgŭm kon pơlei jang ka mưh rôp yâu ka hơdang tơ̆ đak dơ ssĭ; tơpă jing hơnih gơnang kơjăp ăn kon pơlei jang ka tơ̆ đak dơsĭ. Bơ̆n akŏm pơjing păng hơtŏk tơiung apŭng Trường Sa jing anih jang mŭk drăm - joh ayŏ - tơpôl tơ̆ đak dơ sĭ, jĭ hơnih kơjăp vei lăng tơdrong pơm tơm Teh đak”.