Phŏ Kơdră Quốc hội Nguyễn Đức Hải năm ngôi, hơpăh tơmam Tết tơ̆ dêh char Quảng Nam
Thứ tư, 10:16, 07/02/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Ƀlep ƀât Tết Giáp Thìn 2024, pơgê 6/2, Phŏ Kơdră Quốc hội Nguyễn Đức Hải kŭm hăm Khul jang truh sŏh nhang tơ̆ Anih Ƀlŏk hơdơ̆r kơnhap Kơdră teh đak Võ Chí Công; năm ngôi, jet gia pơma nuh, hmach thơ thou Tết păng hơpăh tơmam ăn 1 kơsô̆ unh hnam đei kŏng tơ̆ dêh char Quảng Nam.
Phŏ Kơdră Quốc hội Nguyễn Đức Hải hơpơi ‘mĕh Đảng ƀô̆, Khul kơdră pơgơ̆r păng kon pơlei dêh char Quảng Nam hơnơ̆ng chĕp vei kơjăp, tưk tơiung tơdrong ‘lơ̆ng đơ̆ng Anih Ƀlŏk hơdơ̆r kơ nhap Kơdră teh đak Võ Chí Công vă anih âu jing 1 anih gĭt kăl pơtho tơƀôh tơdrong juăt jang kăch mang păng jơhngâm đon ‘mêm kơ teh đak đơ̆ng rim jơhnơr Việt Nam.
Ƀlep ƀât vă truh Tết so kơ hơdrĕch hơdrung, Phŏ Kơdră Quốc hội Nguyễn Đức Hải hơpăh 20 tơpu tơmam Tết ăn 20 unh hnam đei tơdrong arih xa pơmat tat tơ̆ xăh Tam Xuân 1, apŭng Núi Thành, dêh char Quảng Nam. Phŏ Kơdră Quốc hội hơpơi ‘mĕh rim unh hnam adrin yak hlŏh pơmat tat, adrin choh jang xa vang tơgop atŭm ăn tơdrong jang tŏk đơ̆ng dêh char Quảng Nam.
Viết bình luận