Phŏ Kơdră chĕp kơ̆l Quốc hội Trần Thanh Mẫn kŭm hăm kơdră chĕp kơ̆l dôm anih tơm, anih jang kơpal tơ̆ Trung ương, 1,2 dêh char găh Pơbăh tơring Tŏk bŏk - Tây Nguyên, kơdră chĕp kơ̆l dêh char Khánh Hòa păng vă jê̆ 1.000 ‘nu kăn ƀô̆, kon pơlei tơ̆ tơring vang akŏm.

Tơ̆ jơ pơm lêh, Kơdră jang lơ̆m Anih tơm Chinh trĭ, Phŏ Kơdră Quốc hội Trần Thanh Mẫn hơpăh Mê đai bơ̆ jang dơ̆ng mă 3 đơ̆ng Kơdră teh đak ăn Đảng ƀô̆, khul kơdră pơgơ̆r păng kon pơlei plt Nha Trang. Pơma tơ̆ jơ pơm lêh, Phó Thủ tướng Trần Hồng Hà athei plt Nha Trang, dêh char Khánh Hòa năm hơdrol lơ̆m tơdrong jang tơplih hăm kơmăy sô̆, pơjing tơring kơdrâm rơgei, pơjing khul kơdră pơgơ̆r hăm măy sô̆, hơmet pơ ‘lơ̆ng anih tơmât jên jang xa, tĕch mơdro, vei lăng ‘lơ̆ng tơdrong arih xa tơpôl, vei kơjăp tơdrong sơđơ̆ng păng tơdrong arih xa hiôk chơt ăn kon pơlei.