Rim năr xơng đơ̆ng 3.500-4.500 'nu hơ-ioh truh khăm, Hnam pơgang Nhi Trung ương hơnơ̆ng đei pơhlom 2000 'nu hơ-ioh jĭ jăn oei hơmet jĭ. 'Nâu jing anih chwên khua Nhi jăl mă hơtuch đei lơ hơ-ioh jĭ ăl, tơnap kơ hơmet. Hơlêm đon đe kang ƀô̆ jang dŏng hơmet jĭ ăn đe mon, Phŏ kơdră teh đak bơ̆n yă Võ Thị Ánh Xuân tơrĕk: khul ƀak sih athei dăp đon dăp bơnôh, hơgei găh tơdrong jang vă hơmet jĭ jăn ăn đe hơ-ioh... Phŏ Kơdră teh đak bơ̆n Võ Thị Ánh Xuân hlôi pơjao 50 trĭu hlj vă Hnam pơgang Nhi Trung ương tơgŭm ăn đe hơ-ioh jĭ jăn đei tơdrong hơrih tơnap tap; Atŭm hăm noh, atŭm hăm đe kang ƀô̆ tang măt ăn Jên mong tơgŭm đe hơ-ioh Việt Nam, Jên mong tơgŭm bơngai ƀơm jĭ ung thư – 'Năr dơning ang hơdăh axong 200 tơpu tơmam ăn đe hơ-ioh jĭ jăn tơnap tap tơ̆ Anih hơmet jĭ Ung thư păng Anih hơmet Trong huan 'ngok.