Phŏ Kơdră teh đak bơ̆n Võ Thị Ánh Xuân chơt hơ-iă ƀơ̆t ƀôh tơdrong hơrih kon pơlei lơ̆m tơring đei hơtŏk hơdah, đei yua hăm rim ‘nu bơngai jang noh hloh 60 trĭu hlj 1 sơnăm; tơring oei pă 2,49% unh hnam hin dơnuh păng 6,53% unh hnam tơjê̆ hin dơnuh; tơpôl chĭnh trĭ, tơpôl hơrih xa lơ̆m tơring sơđơ̆ng ‘lơ̆ng.

Phŏ Kơdră teh đak bơ̆n pơkăl jơnŭm pơgơ̆r tơring, dôm jơnŭm jang chĭnh trĭ - tơpôl dêh char Bạc Liêu hơtŏk tơroi tơbăt, pơhlôh gah anih dơ̆ng, sơnong jang kơ Măt trâ̆n tôh kuôk Việt Nam lơ̆m tơdrong tơ-iung pơjing păng vei lăng teh đak. Kiơ̆ dôm tơdrong jang tơpă vă pơtho đon băt ‘mêm kơ teh đak, tơdrong juăt jue nuih mơng, tơdrong hơdơ̆r kơ juăt jue ‘lơ̆ng rŏ kơ hơdrung hơdrĕch; mă kăl noh athei băt hơdah gah tơdrong juăt jue tơring teh kơ kon pơlei Bạc Liêu, akŏm đon lui kơjăp sơđơ̆ng lơ̆m tơdrong hơtŏk tơ-iung kơ teh đak, kơ dêh char lơ̆m dôm sơnăm truh.