Phŏ Kơdră teh đak bơ̆n Võ Thị Ánh Xuân pơma đam hăm Thủ tướng Mozambique
Thứ ba, 13:56, 12/09/2023
VOV/Lan tơblơ\
VOV/Lan tơblơ\
VOV4.Bahnar – Sơng iŏk nơ̆r hơvơn đơ̆ng Thủ tướng teh đak Cộng hòa Mozambique Adriano Maleiane, Phŏ Kơdră teh đak bơ̆n Võ Thị Ánh Xuân atŭm hăm khul kơpal tang măt ăn Việt Nam năm tơmang teh đak Cộng hòa Mozambique đơ̆ng năr 10-13/9/2023.
Pơgê năr 11/9/2023 (kiơ̆ jơ tơ̆ tơring), tơ̆ Anih jang kơ Thủ tướng, ƀar kơdră kơpal hlôi pơma đam lơ̆m tơdrong hơ-iă lui ngeh dih băl.
Phŏ Kơdră teh đak bơ̆n Võ Thị Ánh Xuân sơkơ̆t hơdah Việt Nam hơnơ̆ng lăng tơgĭt tơdrong jang tơbôl juăt jue hăm Mozambique, sơkơ̆t hơdah Mozambique jing minh lơ̆m dôm teh đak jang hadoi dơnơm kơ Việt Nam tơ̆ châu Phi. Ƀar kơdră pơtoi asong khul kơpal năm tơmang, pơma đam dih băl, mă kăl noh đe kơdră kơpal kơ dôm anih jang Đảng, Jơnŭm pơgơ̆r teh đak păng Kuôk hô̆i. Ƀar pah drơ̆ng nơ̆r pơtoi lăng choh jang xa đei hloi rong ka hơdang jing tơdrong jang hadoi dơnơm vă tơgop vei sơđơ̆ng păng asong tơmam drăm xa lơ̆m kơpal teh.
Viết bình luận