Pơma ah ‘măng tơjrơ̆m, Phŏ Kơdră teh đak bơ̆n Võ Thị Ánh Xuân pơkăl lơ̆m khei năr tŏ ‘mi kial tơplih roi năr roi kơtang hrei âu, pơkăl dêh char An Giang athei đei dôm tơdrong jang đunh khei năr, hăm tơdrong băt hơdah trong hiôk, iŏk yua tơdrong pran vă hơtŏk pơm jang tơnăp tôm tong hloh.

Dêh char athei kơchăng tơdrong kĕ đei kơ tơring, atŭm hăm noh tơgenh jơ ‘năr tơdrong tơgŭm đơ̆ng kon pơlei vă pơjing jơhngơ̆m pran lơ̆m hơtŏk mŭk drăm tơpôl. Hăm dôm tơdrong jang tơm, hloh kơ tơdrong pơgơ̆r po noh athei tơgenh dôm tơdrong tơgŭm đơ̆ng Trung ương adoi nhen dôm jơhngơ̆m pran lơ̆m tơpôl vă keh đang tơchơ̆t pơm jang. Ƀơ̆t ‘măng âu, Phŏ Kơdră teh đak bơ̆n Võ Thị Ánh Xuân atŭm hăm Khul tang măt ăn Kuôk hô̆i dêh char An Giang păng anih jang ‘mêm bơnat hlôi asong ăn 100 tŏ hnam Tơguăt tơguăl ăn kon pơlei hin dơnuh lơ̆m tơring teh kơ dêh char An Giang.