Jăl sơnăm 2020-2023, dôm tơdrong jang pơlong kơ đe oh đô̆i viên, hơ-ioh dêh char Bình Dương hơtŏk kơtang, đei jơnei lơ tơdrong 'lơ̆ng nhen: tơdrong jang “Rơbâu tơdrong jang 'lơ̆ng”, “Pơkăp jang iĕ”, tơdrong jang “Trần Quốc Toản”.

Đơ̆ng noh đei jê̆ 500 rơbâu đô̆i viên, hơ-ioh lơ̆m jâ̆p dêh char đei pôk Hơnăn Kon sơu Ƀok Hô tơnăp. Phŏ Kơdră teh đak sơkơ̆t hơdah, Đảng, Teh đak păng kon pơlei bơ̆n hơnơ̆ng akŏm đon bơnôh, tơdrong tơgŭm kăp gĭt hăm tơdrong jang vei lăng păng pơhrăm đe hơ-ioh, hơnơ̆ng pơm trong hiôk vă đe oh đei cham char hŏk pơhrăm, pơ-'lơ̆ng đon bơnôh, jing bơngai hơrih xa tơnăp, jing bơngai 'lơ̆ng ah tih vơ̆ kơnh.