Tơroi pơma dơnuh hăm đe hơ-ioh, Phŏ Kơdră teh đak bơ̆n Võ Thị Ánh Xuân sơkơ̆t hơdah, lơ̆m dôm sơnăm kơ âu, Đảng, Jơnŭm pơgơ̆r teh đak păng kon pơlei bơ̆n hơnơ̆ng akŏm đon bơnôh, tơgŭm jang kăp gĭt păng asong bơngai jang vă vei lăng păng pơtho pơhrăm đe hơ-ioh.

Pôk bơnê kơ dôm tơdrong jang đei jơnei, Phŏ Kơdră teh đak bơ̆n hơpơi ‘meh, đe mon pơtoi tơdrong juăt jue kăp gĭt kơ đe hơ-ioh kôn mon kon sau Việt Nam, chĕp vei tơdrong juăt jue kơ hơdrung hơdrĕch, pơtoi yak kiơ̆ trong mih ma duch nă yă yăng yuk hơlâu, hơnơ̆ng pơlong hŏk pơhrăm, pơ-‘lơ̆ng dơh po vă gơh jing kon chu ngua, đô̆i viên tơnăp, kon mon chu yom Ƀok Hô.