Tơ̆ jơ bơ̆jang hăm Kơdră Jơnŭm pơgơ̆r pơlei tơm Maputo, Bơngai jang lơ̆m Anih tơm Chĭnh trĭ Đảng Frelimo chĕp kơ̆l Eneas Comiche, Phŏ Kơdră teh đak Võ Thị Ánh Xuân pơma hơdăh anih tơm Maputo kơ Mozambique đei tơdrong tơklep gĭt kăl hăm Việt Nam, jĭ hơnih đei trong tih Hồ Chí Minh, pơtih hơiă ăn tơdrong tơgoăt tơgoăl păng tơbôl mĭnh jơhngơ̆m đon, tơklep hơdai đơ̆ng 2 hơdrĕch hơdrŭng. 2 păh drơ̆ng nơ̆r hơtŏk loi dơ̆ng pơma dơnuh khŭl, hơnhăk tơdrong jang hơdai 2 pang yak mơ̆t jrŭ să, tơ pă, đei yua; vang tơroi tơdrong hlôh vao pơjing anih tơm kiơ̆ trong tơplih ‘nao pơcheh hơgei, vang tơroi tơdrong hlôh vei lăng anih kơdrơ̆m păng cham char anih tơm.

Đơ̆ng rŏng jơ tơƀơ̆p, Phŏ kơdră teh đak Võ Thị Ánh Xuân păng Kơdră Jơnŭm pơgơ̆r pơlei tơm Maputo hlôi vang truh pơm lêh et hơtŏk kơƀang hơnăn ‘nao păng dan pơkao tơ̆ trong tih Hồ Chí Minh.