Tơ̆ tơdrong jang, Phŏ Kơdră teh đak Võ Thị Ánh Xuân hlôi pơ lung, apĭnh jet gia păng hơdai hăm bơngai tang măt anih tơgŭm pơ jao 50 tong gre tang vang, 100 kơ suơ̆t hŏk ƀŏng ăn kơ 150 hơioh đei tơdrong arih sa mơmat tat tơ̆ apŭng Thanh Hà hăm akŏp kơjă hloh 260 triệu hlak jên. Oei Anih mong jên vei lăng tơgŭm hơioh Việt Nam pơ jao asong akŏp kơ sô̆ 100 tong gre tang vang, lơ tơmam păng dôm kơ suơ̆t hŏk ƀŏng hăm akŏp kơ jă hloh 1,3 ti hlak jên ăn hơioh đei tơdrong arih sa mơmat tat tơ̆ Hải Dương.

Đơ̆ng blŭng sơnăm truh dang ei, Anih mong jên vei lăng tơgŭm hơioh Việt Nam hlôi hơvơn đei 20 ti hlak jên vă pơ gơ̆r dôm tơdrong jang hơdăh ‘lơ̆ng tơgŭm ăn hơioh mơmat tat nhen: pơjao hŏk ƀŏng, gre tang vang, tơ jur ƀiơ̆ sar bar jĭ rơka, tang găn grơ̆k kơ đak, tơgŭm dôm tơring tơlĕch jang dôm tơdrong jang Khei bơ̆jang yua kơ hơioh…