Lơ̆m jơnăr chơt hơiă kơ Tết Trung thu, Phŏ Kơdră teh đak Võ Thị Ánh Xuân kŭm hăm Khŭl bơ̆jang păng kơdră chĕp kơ̆l dêh char Dak Lak hlôi vang akŏm dôm tơdrong jang: năm lăng dôm tơdrong pơchơt kră sơ̆, pơm hơdrŭng ŭnh kơ đeng, iŏk ŭnh kơ đeng, lăng hơsoang yă grai păng lăng hơri hơsoang tơ̆ gơmăng reng khei pơnil.

‘Măng âu, Phŏ Kơdră teh đak Võ Thị Ánh Xuân hlôi asong 270 kơ suơ̆t hŏk ƀŏng, 120 tong gre tang vang ăn hŏk tro đei tơdrong arih sa mơmat tat, 1 pôm hnam ăn hơioh mơ ti păng 1.500 tơpu tơmam hăm akŏp kơ jă hloh 1 ti hlak jên. Phŏ Kơdră teh đak ‘meh vă, tơ̆ hơnăp kơnh, dôm anih jang hăm dôm tơdrong jang hơdăh, ‘lơ̆ng, hơvơn tơdrong mơ̆t jang đơ̆ng pơ đĭ khŭl jang chĭnh trĭ, tơpôl mơdro sa păng đĭ đăng tơpôl hơnơ̆ng vei lăng, tơtom pơlung, tơgŭm hơioh, hŏk tro đei tơdrong arih sa mơmat tat păng lăng ‘nâu jĭ hơnăp jang tơm, đunh đai.