Năm ngôi păng pơlung kang ƀô̆, khŭl lĭnh Tiểu đoàn Bộ binh 1, găh Trung đoàn 754, Anih tơm pơgơ̆r khŭl lĭnh dêh char Sơn La, Phŏ Kơdră teh đak lăng ‘lơ̆ng tơdrong hơdrin đơ̆ng kang ƀô̆, khŭl lĭnh hlôi hơmet pơ ‘lơ̆ng rim tơdrong mơmat tat, hơdrin jang đang hơgei hloh rim hơnăp jang đei pơjao.

Phŏ kơdră teh đak athei khŭl lĭnh ƀô̆ đô̆i Sơn La pơma atŭm, Tiểu đoàn Bộ binh 1 pơma hơdrô̆ hơnơ̆ng kơchăng băt hơdăh, tơdra hơdrol ƀlep tơdrong; kơchăng jang tơgŭm hăm kơdră đảng, khŭl kơdră tơring, Quân khu 2 păng Anih tơm vei lăng khŭl lĭnh hơmet ‘lơ̆ng tơtom dôm tơdrong, ưh kơ lê̆ đei ƀôh ưh kơ ê. Ƀlep ƀơ̆t ‘măng âu, Phŏ Kơdră teh đak Võ Thị Ánh Xuân hlôi pơjao asong 30 tơpu tơmam ăn kơ dôm ŭnh hnam đei tơdrong arih sa mơmat tat, 20 tơpu tơmam ăn kơ đe oh hŏk tro đei tơdrong arih sa mơmat tat lơ̆m pơlei tơm Sơn La; pơjao asong jên tơgŭm pơm 10 tŏ hnam tơgoăt tơgoăl ăn kơ dêh char Sơn La.