Đơ̆ng rŏng Lêh sơng, Phŏ kơdră teh đak hlôi đei jơ pơma dơnuh hăm kon drŏ nglo ƀok pơtao păng hơkăn sư. Lơ̆m jơnăr ƀĕnh tơdrong tơbôl, Phŏ Kơdră teh đak Võ Thị Ánh Xuân tơƀôh jơhngơ̆m đon chhôk hơiă đei sơng Kon drŏ nglo ƀok pơtao Nhật Bản păng hơnăn sư năm ngôi tơ̆ teh đak bơ̆n ƀlep ƀơ̆t ‘măng 2 teh đak tơbăt 50 sơnăm pơjing tơdrong pơvei jang tơbôl (21/9/1973 - 21/9/2023); tơƀôh jơhngơ̆m đon lui ngeh ‘măng năm ngôi đơ̆ng Kon drŏ nglo ƀok pơtao păng hơnăn sư gô jing 1 tơdrong tơƀôh gĭt kăl, tơgop hơtŏk loi dơ̆ng tơdrong hlôh băt păng tơdrong ‘mêm đơ̆ng kon pơlei 2 teh đak, kiơ̆ đơ̆ng noh hơtŏk tơiung hloh dơ̆ng tơdrong pơvei jang hơdai gĭt kăl jrŭ să Việt Nam - Nhật Bản tŏk ‘lơ̆ng ‘nao tơ̆ hơnăp kơnh.

Kon drŏ nglo ƀok pơtao Akishino bơnê kơtơdrong sơng pơgơ̆r tih, hiôk đơ̆ng Khŭl kơdră păng kon pơlei Việt Nam; pơma hơdăh akhan Việt Nam jing teh đak jang hơdai tơ jê̆, lui ngeh păng vang yak hơdai kơ Nhật Bản; pơma hơdăh gô hơnơ̆ng hơdrin yua kơ tơdrong pơvei jang hơdai tơbôl đơ̆ng 2 teh đak tơ̆ hơnăp kơnh.