Tơ̆ jơ sơng, Phŏ Kơdră teh đak chơt hơiă lăng ƀôh tơdrong pơvei jang hơdai đơ̆ng 2 teh đak khei ‘năr tơ jê̆ âu đei hơyak hơtŏk tơiung ‘lơ̆ng, mă loi ‘noh jĭ lơ̆m pơma dơnuh đơ̆ng khŭl păng tơƀơ̆p dôm kơdră kơpal. Tơdrong hơmet ming tơdrong lui ngeh chĭnh trĭ, mă loi ‘noh jĭ kơ dră chĕp kơ̆l gĭt kăl 2 teh đak ‘noh jĭ tơdrong ‘lơ̆ng gĭt kăl pơm tưk tơiung jơhngơ̆m lơ̆m jang hơdai 2 pang. Mă lei dôm jơnei jang hơdai 2 pang oei tam mă tơ găl hăm tơdrong pơvei chĭnh trĭ ‘lơ̆ng hơiă, tơmam ‘lơ̆ng đơ̆ng 2 teh đak. Kiơ̆ đơ̆ng noh, Phŏ Kơdră teh đak athei 2 păh hơnơ̆ng hơtŏk loi dơ̆ng  pơma dơnuh khŭl dôm kơdră, mă loi ‘noh jĭ kơdră kơpal.

Hơdai hăm ‘noh hơtŏk loi dơ̆ng pơgơ̆r dôm tơdrong jang pơtrŭt mơdro sa, tơmơ̆t jên jang, hop akŏm anih mơdro sa, hơtŏk loi dơ̆ng răt tơmơ̆t dôm tơmam pran đơ̆ng băl. Bơngai tang măt teh đak Qata pơma hơdăh, Việt Nam jĭ teh đak jang hơdai gĭt kăl kơ Qata tơ̆ tơring châu Á-Thái Bình Dương păng pơkăp gô hơdrin đĭ jơhngơ̆m, tơgop hơmet ming păng hơtŏk hloh dơ̆ng tơdrong pơvei tơbôl păng jang hơdai đơ̆ng 2 teh đak.