Pơma tơ̆ jơ tơƀâp, Phŏ Kơdră tĕh đak Võ Thị Ánh Xuân tơchĕng ‘lơ̆ng păng pôk pơ ư dôm tơdrong mă đe drŏ kăn tơ̆ Anih tơm tơlĕch nơ̆r sơkơ̆t tơmât jên jang iŏk đei, vang tơgop tih tên ăn tơdrong jang atŏk tơiung tĕh đak. Hăm tơdrong tơrĕk đơ̆ng Đảng, Tĕh đak, lơ sơnăm âu ki, drŏ kăn Việt Nam roi đunh roi tưk hơtŏk anih dơ̆ng, hơnăp jang đơ̆ng kơdih, đei tơpôl lui yom ƀiơ̆, hơdai hăm ‘nŏh đei plang jơhngâm, tơgop roi lơ ăn tơdrong pơjing păng vei lăng tĕh đak.

Phŏ Kơdră tĕh đak bơ̆n, yă Võ Thị Ánh Xuân athei Anih tơm tơlĕch nơ̆r sơkơ̆t, tơmât jên jang tơrĕk hlŏh dơ̆ng truh tơ̆ đe mŏ oh drŏ kăn, pơjing anih jang ‘lơ̆ng vă đe drŏ kăn gơ̆h jang tŏk, đei trong tơgŭm mă lăp vă đe drŏ kăn plang jơhngâm, đon jang rơgei roi lơ ƀiơ̆.