Tơ̆ jơ sơng, Phŏ kơdră teh đak lăng ‘lơ̆ng tơdrong pơvei Việt Nam - Nhật Bản lơ̆m 50 sơnăm âu ki ưh kơ đei pơdơh đei hơmet ming, hơtŏk tơiung păng roi ‘năr roi ‘lơ̆ng hloh. Phŏ Kơdră teh đak ‘meh vă Anih chih kơtơ̆ng ang Kyodo păng Thông tấn xã Việt Nam tơplih ‘nao tơdrong jang hơdai mă loi ‘noh jĭ ƀơ̆t tơdrong jang kơmăy kơmŏk hơtŏk tơiung roi ‘năr roi pran kơtang.

‘Meh Anih chih kơtơ̆ng ang Kyodo gô roi ‘năr roi chih kơ tơ̆ng ang lơ hloh găh um rup, teh đak kon bơngai Việt Nam; dôm trong jang tơgŭm đơ̆ng Đảng, teh đak Việt Nam vă kon pơlei Nhật Bản kŭm nhen bôl buăl apŭng plĕnh teh hlôh rơđăh hloh găh trong jang tơgŭm đơ̆ng Việt Nam, kiơ̆ đơ̆ng noh sơng đei lơ bơngai tơmơ̆t jên jang Nhật Bản păng apŭng plĕnh teh truh hăm Việt Nam.