Tơƀôh jơhngơ̆m đon ƀrơ̆k ah đei tơƀơ̆p rim bơngai tang măt đei kŏng gơh hơgei, Phŏ kơdră teh đak bơ̆n Võ Thị Ánh Xuân ră hơdah, lơ̆m khei năr âu ki, Đảng, Teh đak sơkơ̆t hơdah, tơdrong tơrĕk tơvei bơngai đei kŏng hăm kăch mạng jing sơnong jang chĭnh trĭ kăp gĭt; hơnơ̆ng tơrĕk kăp gĭt ăn tơdrong vei rong bơngai đei kŏng hăm kĕch mạng.

Phŏ Kơdră teh đak pơkăl dêh char An Giang pơtoi chĕp vei jơhngơ̆m pran păng pơgenh tơdrong tơgŭm đơ̆ng 'nguaih vă jang tơnăp sơnong jang chĭnh trĭ mă Tơchơ̆t Hop akŏm 11 kơ Đảng ƀô̆ dêh char tơlĕch, hơtŏk atŭm hăm mŭk drăm, pơtho pơhrăm, joh ayŏ vă tơdrong hơrih kon pơlei gơh phĭ tơtŏ, dơnŏ 'lơ̆ng đei yua dôm tơdrong hơtŏk tơ-iung kơ teh đak, kơ tơring.