Phŏ Kơdră teh đak Võ Thị Ánh Xuân hôn bơnê dôm tơdrong hơyak ‘lơ̆ng hơiă lơ̆m tơdrong pơvei Việt Nam – Thụy Sĩ đơ̆ng rŏng hloh 50 sơnăm pơjing tơdrong pơvei jang tơbôl, mă loi ‘noh jĭ lơ̆m dôm tơdrong jang mŭk drăm, mơdro sa, tơmơ̆t jên jang, joh ayŏ pơtho pơhrăm, tơƀơ̆p băl đơ̆ng kon pơlei; athei 2 păh hơnơ̆ng hơdrin pơma dơnuh khŭl rim kơdră, mă loi ‘noh kơdră kơpal, vă pơtrŭt tôm tơdrong jang hơdai 2 pang păng lơ pang.

Kơdră tơm teh đak Thụy Sĩ Viola Amherd hôn bơnê dôm jơnei mŭk drăm, tơpôl kơ Việt Nam lơ̆m dôm sơnăm âu ki; sơkơ̆t hơdăh Thuỵ Sỹ ling lang lăng kăl tơdrong pơvei tơbôl, jang hơdai lơ tơdrong hăm Việt Nam, hơdai hăm akhan 2 teh đak oei tôch kơ lơ tơmam ‘lơ̆ng ăn jang hơdai mŭk drăm, mơdro sa, tơmơ̆t jên jang. Kơdră tơm teh đak Thụy Sĩ tơroi tơdrong tơchĕng đơ̆ng Phŏ kơdră teh đak Võ Thị Ánh Xuân găh tơdrong ‘lơ̆ng, gĭt kăl đơ̆ng tơdrong hơtŏ hơnơ̆ng drŏ nglo hăm drŏ kăn păng hơtŏk ‘lơ̆ng tơdrong pơm tơm đơ̆ng drŏ kăn tơ̆ hơnăp tơdrong cham char apŭng plĕnh teh tơplih nhen hrei ‘nâu.