Truh akŏm lơ̆m jơ pơm lêh đei Phŏ Kơdră tĕh đak bơ̆n yă Võ Thị Ánh Xuân, kơdră chĕp kơ̆l dôm anih jang kơpal kơ trung ương kŭm hăm bơngai tang măt Khul jang tơbôl Việt Nam - Singapore. Tơ̆ jơ pơm lêh, dôm bơngai tang măt chă pơđou dơ̆ng jăl trong jang hơdoi lơ̆m 50 sơnăm âu ki đơ̆ng Việt Nam păng Singapore.

Đơ̆ng rŏng 50 sơnăm, truh dang ei, tơdrong jang hơdoi đơ̆ng 2 tĕh đak roi kơjăp ‘lơ̆ng păng đei hăm rim tơdrong jang. Tơdrong jang hơdoi găh tĕch mơdro păng tơmât jên jang iŏk đei lơ tơdrong jơnei ‘lơ̆ng. Pơma lơ̆m lêh tơbăt, Phŏ Kơdră tĕh đak Võ Thị Ánh Xuân pơma hơdăh: gơ̆h pơma tơdrong pơvei Việt Nam - Singapore jĭ 1 trong jang đei jơnei ‘lơ̆ng, jô̆ hloi găh tơdrong jang hơdoi 2 pang păng lơ pang. Jơhngâm đon tơpăt ‘lơ̆ng, lui băl pơih trong pơm hơtŏk tơdrong pơvei jang hơdoi đei yoa ‘lơ̆ng găh rim tơdrong.