Phŏ Kơdră teh đak Võ Thị Ánh Xuân kŭm hăm 200 ‘nu bơngai tang măt đơ̆ng 10 teh đak ASEAN vang truh hop akŏm. Lơ̆m dôm sơnăm tơ jê̆ âu, lơ teh đak vang jang lơ̆m Khŭl lĭnh so ASEAN hlôi iŏk đei 1,2 jơnei tơgŭm khŭl lĭnh so jang mŭk drăm, sut pơngot, tơjur dơnuh hin, yak tŏk pơm pơdrŏng trŏ luơ̆t. Hop akŏm Anih mơdro sa Khŭl lĭnh so ASEAN pơjing đơ̆ng ‘meh vă pơtrŭt jang hơdai tĕch mơdro păng pơm đei dôm tơdrong hiôk tơgoăt đơ̆ng dôm anih mơdro sa khŭl lĭnh so lơ̆m tơring ASEAN, pơkă hơnhăk ăn dôm tơdrong hiôk ‘nao ăn anih mơdro sa khŭl lĭnh so lơ̆m tơdrong pơih să anih tĕch mơdro păng hơtŏk loi dơ̆ng jang hơdai.

Hop akŏm Anih tĕch mơdro Khŭl lĭnh so ASEAN hơmĕng gô pơih đei lơ tơdrong hiôk jang hơdai ‘nao, tơgŭm hơtŏk ‘lơ̆ng tơdrong hơrih sa ăn kơ khŭl lĭnh so păng ŭnh hnam đe sư, hơdai hăm tơgop lơ̆m tơdrong hơtŏk tơiung mŭk drăm kơ dôm teh đak jang lơ̆m ASEAN.