Phŏ Thủ tướng teh đak bơ̆n Trần Lưu Quang sơkơ̆t hơdăh, pôk bơnê kơ sơnong jang tơnăp đơ̆ng đe kơdră kơpal kơ Anih jang Đang dêh char, Anih pơgơ̆r vei lăng kon pơlei dêh char Lâm Đồng hlôi tơtom pơgơ̆r rim khul jang tenh kuăng năm truh anih teh hơlih vă chơ chă tơgŭm dŏng; atŭm hăm noh, pôk bơnê kơ rim khul jang ưh pơngơ̆t hăm tơdrong tơnap tap akŏm chơ chă tơgŭm dŏng xar bar, hơmet răm đơ̆ng teh hơlih.

Tơ̆ anih hơlih, Phŏ Thủ tướng Trần Lưu Quang adoi pơkăl tơdrong jang tơgŭm sar bar tơ̆ anih teh hơlih athei tenh kuăng mă lei adoi vei sơđơ̆ng ƀơ̆t pơm jang. Ah jơ bơ̆ jang, Phŏ Thủ tướng pơkăl dêh char Lâm Đồng nĕ lê̆ đei tơdrong sar bar ayơ. Ƀơ̆t 'măng âu, Phŏ Thủ tướng Trần Lưu Quang hlôi truh apong, hơlêm vang ol sơ-'ngon hăm unh hnam Thượng úy Lê Ánh Sáng (oei tơ̆ phương 2, pơlei tơm Bảo Lộc) jing 1 lơ̆m 3 kăn ƀô̆ linh lôch sar bar ah 'măng teh hơlih ƀơ̆t tŏk bŏk oei pơm jang.