‘Năr 25/9, ƀlep ƀơ̆t khŭl tang măt kơdră kơpal Việt Nam yua đơ̆ng Tổng Bí thư, Kơdră teh đak Tô Lâm chĕp kơ̆l vang truh Hop akŏm kơdră kơpal khei ‘năr tơ̆ hơnăp kơnh, Jơnŭm pơgơ̆r Liên hợp quốc Jăl 79, bơ̆jang tơ̆ Mi, Phŏ Thủ tướng, Kơdră tơm jang tơbôl Bùi Thanh Sơn hlôi đei jơ tơƀơ̆p hăm Phŏ pơma tơgŭm tơdrong sơđơ̆ng teh đak Mi Jonathan Finer.

Phŏ Thủ tướng, Kơdră tơm Jang tơbôl Bùi Thanh Sơn pơma hơdăh Việt Nam lăng Mi ‘noh jĭ teh đak đei tơdrong gĭt kăl bơ̆jang păng ‘meh vă kŭm hăm Mi hơnơ̆ng ăn tơdrong pơvei yak mơ̆t roi ‘lơ̆ng, đei yua, sơđơ̆ng, kơjăp lơ̆m tơdrong pơyom rơngei, pơm tơm kơdih păng dôm tơdrong kăl đơ̆ng pơvei 2 pang, hơnhăk ăn đei yua ăn kon pơlei 2 teh đak păng tơgop lơ̆m tơdrong rơngei, sơđơ̆ng, jang hơdai păng hơtŏk tơiung tơ̆ tơring păng lơ̆m apŭng plĕnh teh.