Tơ̆ xăh Si Pa Phìn, apŭng Nậm Pồ păng thị trấn Mường Chà, apŭng Mường Chà, Phŏ Thủ tướng Lê Minh Khái kŭm hăm khŭl bơ̆jang kơ Khŭl kơdră teh đak hlôi pơjao asong 240 tơpu tơmam Têt, hăm kơ akŏp kơjă vă jê̆ 300 triệu hlak jên ăn dôm ŭnh hnam dơnuh hin, ŭnh hnam teh đak tơgŭm.

Phŏ Thủ tướng kŭm pơklep kơƀang hnam Tơgoăt tơgoăl ăn kơ ŭnh hnam ƀok Giàng A Lồng, oei tơ̆ plei Chế Nhù, xăh Si Pa Phìn, apŭng Nậm Pồ păng ƀok Lý A Nỏ, plei Huổi Chim, xăh Ma Thì Hồ, apŭng Mường Chà. ‘Nâu tă kơ ŭnh hnam dơnuh hin kơ dêh char Điện Biên, đei tơgŭm 50 triệu hlak jên vă pơm hnam kiơ̆ Tơdrong jang 09 kơ Anih jang Trung ương Mặt trận Tổ quốc Việt Nam găh tơdrong krao hơvơn tơgŭm pơm hnam Tơgoăt tơgoăl ăn kơ ŭnh hnam dơnuh hin dêh char Điện Biên yak truh tơbăt 70 sơnăm Jơnei Điện Biên Phủ.