Phó Thủ tướng Lê Minh Khái pơgơ̆r hop akŏm hơmet ming Grŭp jang VNPT
Thứ sáu, 09:43, 14/07/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Tơ̆ Anih jang kơ Khul kơdră tĕh đak, Bí thư Trung ương Đảng, Phó Thủ tướng Lê Minh Khái pơgơ̆r hop akŏm hăm kơdră chĕp kơ̆l 1,2 anih tơm, anih jang kơ Trung ương tơgop nơ̆r găh tơdrong jang xa păng hơmet ming grŭp jang Bưu chính Viễn thông Việt Nam (VNPT).
Kiơ̆ tơdrong jang hơmet ming Grŭp jang âu đơ̆ng 2021-2025 hăm đon pơhnŏng ‘nŏh pơjing păng jang atŏk tơiung VNPT jing Grŭp jang mŭk drăm kơ tĕh đak pran kơjăp, hơbĕch hơbal, jang xa đei, kĕ pơjei lơ̆m tĕh đak păng lơ̆m apŭng plenh tĕh.
Pơma pơtôch hop akŏm, Phó Thủ tướng Lê Minh Khái tơchĕng ‘lơ̆ng dôm nơ̆r tơgop đơ̆ng dôm Anih tơm, anih jang kơ pal kơ Trung ương hlôi drơ̆ng nơ̆r hăm dôm tơdrong tih oei đei lơ nơ̆r pơma pha ra băl, tơtă ƀât mă tĕh đak bơ̆n oei mât jang hơdoi hăm mŭk drăm lơ̆m apŭng plenh tĕh păng tơdrong đei ƀơm truh đơ̆ng tơdrong jang kăch mang 4.0 lơ̆m nŏh đei tơplih hăm kơmăy sô̆ ‘nŏh jĭ tơdrong tôch gĭt kăl mă Grŭp jang VNPT athei chih hơdăh lơ̆m trong jang tŏk tơ̆ hơnăp kơnh.
Viết bình luận