Kiơ̆ đơ̆ng hơlen lăng dôm hơnih hơlih tơ̆ 5 dêh char găh tơring tơmăn đak krong Cửu Long kŭm nhen tơ̆ 1,2 tơring Tây Bắc păng 1,2 hơnih tơ̆ Tây Nguyên, ăn ƀôh athei hơmet ‘lơ̆ng tơ tĕnh dôm hơnih teh hơlih.Phŏ Thủ tướng Lê Minh Khái lăng ‘lơ̆ng 13 tơring tơmăn đak krong Cửu Long păng dôm anih tơm, anih jang hlôi tơlĕch tơtom hơmet ‘lơ̆ng hiong răm hơlih pơnơ̆ đak krông, pơnơ̆ đak dơsĭ yua đơ̆ng tŏ ‘mi kial tơplih, ƀơm ưh kơ ‘lơ̆ng truh tơdrong jang mŭk drăm - tơpôl.

Phŏ Thủ tướng Lê Minh Khái pơma hơdăh: Hăm tơdrong kăl đơ̆ng tơdrong hơmet ‘lơ̆ng teh hơlih, dôm tơring, anih tơm, anih jang athei tơtĕnh dăr hơlen, jang hơdai, tơlĕch hơnăn tơdrong jang hơmet ‘lơ̆ng hơlih bơnơ̆ đak krong tơ̆ 13 dêh char, pơlei tơm tơring tơmăn đak krong Cửu Long hrĕnh hloh, tơtom, lăp hăm tơdrong hơgăt khôi luơ̆t, kiơ̆ lơ̆m tơdrong jang tơm, jăh tơlĕch jang lơ̆m bơ̆jang kiơ̆.