Phŏ Thủ tướng bơnê kơ tơdrong tơbôl jang mŭk drăm – tĕch pơdro đơ̆ng Việt Nam - Hoa Kỳ pơtoi hơtŏk đơ̆ng rŏng kơ 2 pah hơtŏk tơdrong jang tơbôl jing Trong jang tôm tong. Tơmam tĕch răt kơ 2 teh đak lơ̆m 4 khei blŭng sơnăm 2024 đei 38,6 tih USD, kiơ̆ kơ noh Hoa Kỳ pơtoi jing tơring mă Việt Nam tĕch lơ tơmam drăm hloh lơ̆m dôm khei blŭng sơnăm 2024 âu.

Phŏ Thủ tướng ră hơdah: Lơ̆m pơkăp jang hadoi ‘nao hlôi pơih đei trong jang hơtŏk lơ̆m dôm tơdrong vei sơđơ̆ng mạng păng trong jang ‘nao đei hơdah, pơhrăm gah trong jang kơmăi kơmŏk tơm, hơmet dôm tơdrong hơtŏk gah tơdrong jang bán dẫn păng kŏng ngĭp điê̆n tưh, hơtŏk tơgŭm sek tơlang tơdrong răm đơ̆ng tơblah tơblŭng.