Tơ̆ jơ sơng, Phŏ Thủ tướng Lê Minh Khái pơma hơdăh, Đảng, Teh đak păng kon pơlei Việt Nam ling lang lăng kăl păng tơgŭm hơdrol ăn tơdrong hơmet ming păng hơtŏk loi dơ̆ng tơdrong pơvei tơbôl tih tên, tơgoăt 1 jơhngơ̆m đon gĭt kăl păng jang hơdai tôm tơdrong đơ̆ng 2 teh đak Việt Nam - Lào.

Phŏ Thủ tướng Lê Minh Khái ‘meh 2 păh hơnơ̆ng bơ̆jang kiơ̆ dôm hla ar drơ̆ng nơ̆r jang hơdai kơdră kơpal đơ̆ng Anih jang 2 Khŭl kơdră teh đak Việt Nam – Lào, kŭm nhen dôm tơdrong tơchơ̆t hơdăh kơdră kơpal, drơ̆ng nơ̆r đơ̆ng 2 Anih tơm, tơgop hơtŏk tơiung mŭk drăm, tơpôl 2 teh đak; pơma hơdăh, Khŭl kơdră teh đak Việt Nam gô hơnơ̆ng tơgŭm, pơm tơdrong hiôk vă 2 anih jang jên hu jang hơdai kơjăp, tơlĕch jang đei yua dôm hơnăp jang đei pơjao.