Phŏ Thủ tướng Lê Minh Khái pơma hơdăh: Khŭl Kơdră teh đak Việt Nam ling lang pơtrŭt dôm anih mơdro sa Hàn Quốc tơmơ̆t jên jang ‘nao păng pơih să tơmơ̆t jên jang, mă loi ‘noh jĭ lơ̆m dôm tơdrong jang tơgŭm hơdrol nhen hơtŏk tơiung anih jang kăl, pơm tơlĕch tơmam điên tư kơmăy kơmŏk ‘nao, kơ chơ̆t bán dẫn, chih răk lơ, kơ măy kơmŏk sinh học, anih kơdrơ̆m hơgei; lăng kăl pơ jao kơ măy kơ mŏk tơm.

Việt Nam lăng ‘lơ̆ng tơdrong Hàn Quốc hơnơ̆ng lăng kăl Việt Nam ‘noh jĭ “Teh đak jang hơdai tơdrong jang” găh  ODA păng dôm tơdrong jang hơdai hơtŏk tơiung đơ̆ng Hàn Quốc pơm tơdrong ‘lơ̆ng hơtŏk tơiung mŭk drăm -tơpôl tơ̆ lơ tơring lơ̆m teh đak. Phŏ Thủ tướng athei, Hàn Quốc hơnơ̆ng pơih să hloh dơ̆ng tơdrong jang tơgŭm đĕch ăn Việt Nam, mă loi ‘noh jĭ dôm tơdrong jang tơchĕng hơlen hơtŏk tơiung (R&D), tơplih ‘nao pơcheh hơgei….; ‘meh vă ƀok Phŏ Thủ tướng pơm hloi Kơdră Anih tơm vei lăng Mŭk drăm Jên hu Hàn Quốc Choo Kyung Ho hơnơ̆ng bơngơ̆t truh, athei rim anih jang Hàn Quốc jang hơdai hăm rim anih jang Việt Nam vă pơtrŭt tơlĕch jang đei yua dôm jơnei ‘măng hop akŏm pơma dơnuh ‘măng mă 2 tơ̆ hơnăp kơnh.