Phó Thủ tướng pơma hơdăh Việt Nam ling lang năng Nhật Bản jĭ teh đak jang hơdoi gĭt kăl păng đunh đai; hơpơi ‘mĕh 2 păh hơnơ̆ng jang hơdoi mă kơjăp, kŭm hăm Việt Nam tưk tơiung dôm tơdrong jang mă hơdăh, đei yoa kiơ̆ đơ̆ng tơdrong pơvei jang hơdoi gĭt kăl tôm tơdrong ‘nao đơ̆ng 2 teh đak.

Phó Thủ tướng athei Nhật Bản hơlen năng, pơtruh ăn Việt Nam dôm kơsô̆ jên asong tŏk iŏk ODA ‘nao kiơ̆ trong pơm hla ar ƀônh, hiôk hian ƀiơ̆, gơ̆h pơm kiơ̆ trong tơgŭm jên vă bơ̆ jang dôm tơdrong jang pơm trong, man anih jang gĭt kăl đơ̆ng dôm tơdrong jang tih kơ teh đak Việt Nam; hơtŏk tơdrong pơtruh ODA ăn dôm tơdrong jang găh tơplih hăm kơmăy sô̆, tơplih rơgŏh ‘lơ̆ng, dôm tơdrong jang pơm trong gre treng tơ̆ tơring kơdrâm tơ̆ Hà Nội, plt Hồ Chí Minh.