Pơgê brei (15/9), hăm tơdrong pơgơ̆r đơ̆ng Bơngai jang lơ̆m Anih tơm Chĭnh trĭ, Bí thư Anih jang Đảng pơlei tơm Hồ Chí Minh Nguyễn Văn Nên, Hop akŏm Mŭk drăm pơlei tơm Hồ Chí Minh sơnăm 2023 hlôi pơgơ̆r hăm Hơnăn: “Hơtŏk rơgoh - Tơdrong jang yak truh tơjur ưh kơ đei ‘mê̆ ‘mach”. Phŏ Thủ tướng Lê Minh Khái truh akŏm păng pơma tơ̆ hop akŏm. Lơ̆m iung pơma pơgơ̆r Hop akŏm, ƀok Lê Minh Khái hơlen lăng, “Hơtŏk rơgoh - Tơdrong jang yak truh tơjur ưh kơ đei ‘mê̆ ‘mach” jĭ 1 hơnăn tôch kơ ‘lơ̆ng, lăp hăm trong jang hơtŏk tơiung kơjăp hrei ‘nâu lơ̆m apŭng plĕnh teh.

Hop akŏm hơdrŭm đei lơ bơngai joăt jang đei đe lui yom lơ̆m păng ‘ngoăih teh đak, gô hơnhăk ăn dôm tơdrong hlôh vao ‘nao, dôm trong jang hơiă, dôm ƀai hŏk hlôh vao gơh tơgŭm pơlei tơm Hồ Chí Minh lơ̆m tơdrong tơlĕch jang đei yua tơdrong jang păng tơdrong tơgŭm đơ̆ng Đảng, Khŭl kơdră teh đak găh hơtŏk rơgoh păng hơtŏk tơiung kơjăp.