Phŏ Thủ tướng Lê Thành Long hlôi pơjao 400 tơpu tơmam têt ăn dôm ŭnh hnam dơnuh hin, vă jê̆ dơnuh hin, ŭnh hnam đei tơdrong hơrih sa mơmat tat găh khŭl iŏk pơdreo teh pơyua ăn iŏk teh vă pơm trong gre kơdâu hrĕnh Đồng Đăng – Trà Lĩnh; kŏng nhân, bơngai jang kơ 1,2 anih jang, anih mơdro sa păng kŏng nhân tŏk bŏk bơ̆jang tơ̆ trong gre kơdâu hrĕnh tơ̆ dêh char Cao Bằng.

Phŏ Thủ tướng Lê Thành Long pơma hơdăh, tơdrong vei lăng tơdrong hơrih sa ăn kon pơlei, mă loi ‘noh jĭ dôm bơngai mơmat tat ‘noh jĭ hơnăp jang păng kŭm jing tơdrong joăt ‘mêm mơnat băl ‘lơ̆ng hơiă đơ̆ng hơdrĕch hơdrŭng Việt Nam; athei kơdră  đảng, kơdră tơring hơnơ̆ng bơngơ̆t truh tơlĕch jang tơdrong jang vei lăng sơđơ̆ng tơdrong hơrih sa tơpôl, vei sơđơ̆ng kon pơlei sơng sa Tết Nguyên đán hiôk chơt, ưh kơ lê̆ bu đei hŭt lê̆ tơ̆ rŏng, rim bơngai, rim hnam đei sa Têt ngăl.