Tơroi tơbăt tơ̆ jơ bơ̆jang, Kơdră Anih vei lăng hơdrĕch kon kông Hầu A Lềnh tơbăt, tơdrong jang vei lăng hơdrĕch kon kông păng jang kiơ̆ tơdrong jang tơgŭm hơdrĕch kon kông khei ‘năr âu ki iŏk đei jơnei gĭt kăl găh chĭnh trĭ, mŭk drăm, joh ayŏ, tơpôl, khŭl lĭnh, sơđơ̆ng, jang tơbôl; hơvơn đei jơhngơ̆m pran mĭnh ƀơ̆r đon dôm hơdrĕch hơdrŭng tơgop ăn tơdrong jang pơjing păng vei lăng teh đak.

Pơtôch jơ bơ̆jang, Phŏ Thủ tướng Nguyễn Hòa Bình athei tơ̆ hơnăp kơnh Anih vei lăng hơdrĕch kon kông jang hơdai kơjăp hăm dôm anih tơm, anih jang ƀơm truh kăl kơ tĕch jang tơ tĕnh, tơtom dôm tơdrong jang tơgŭm ăn tơring bơngai kon kông păng tơring groi kông. Kăl kơ pơm ƀônh rim hla ar vă ƀônh kơ pơm, ƀônh kơ tơmơ̆t yua lơ̆m tơlĕch jang dôm tơdrong jang. Lơ̆m hơmet ăn jên jang ăn rim tơdrong jang, kăl kơ đei tơdrong bơngơ̆t truh mă lăp hăm tơring kon pơlei kon kông păng tơring groi kông.